SIGUR ROS 粉絲多, 銷量唔多? 點解啊?
你估都估唔到, 佢地既銷量係勁過容祖兒及陳弈迅的總和!!!!
估唔到佢地第一次來港開live, 都有7千銷量!
老餅電子band都有1萬張銷量!!!
在香港, 佢有2萬5千張銷量??!!
到底是發生什麼事, 外語唱片咁好景? 不過就聽外國奶水大的我, 又唔覺身邊朋友有買以上唱片, 對不起, 說得清楚的是, 我的朋友不包括傳媒朋友, 電台朋友, 唱片商朋友, 以及公事朋友, 其他的只問我幾時會出側田的? 那麼, 銷量何來?
引發筆寫此文章是某新聞組版友說"仲有原來Sigur Ros 既碟0係香港既銷量算係幾唔錯............尋日真係算意料之外多人去...", 有關Sigur Ros在港開show的感想. 實在的說, 這是個大問題, 香港樂迷只側重了本地音樂, 對外國音樂知識少關心, 只及知怎分Celine Dion同Kenny G是了. 雖然你我會聽冰島的mum, 英國的Delay, 美國的DFA label等等. 不過就是少眾活動, 有限分享, 偏門玩意. 可以是追究於唱片公司的宣傳不足, 另一角度由他看就是市場有限, 畢竟我都曾身處於大唱片公司制度下, 知道情況如何. 聽收音機是側田, 大隻佬架3.3頓貨van是容祖兒, 唱k的青年人是古巨基. 我知道未來5年都不會有改變, 但至少, 你仍會給個外語唱片生存空間吧?
那麼, 銷量何來? 下回分解!
肥樹fattree
此時音樂 : Morrissey [Ringleader Of The Tormentors]
posted by fattree @ 12:20 下午
22 comments
22 Comments:
賣關子！ha
但你好似已經透露過一二啦響newsgroup
TO DAMON,
你個樣好似好唔抵得? 係我的賣關子定係sigur ros無咁多銷量呢?
好多人都無睇過kurt 個newsgroup嘛.
肥樹
除了 james burt .. 我都盡過力！家陣非主流音樂要係香港打晌名堂，只得兩個渠道，就係"不接觸"同"牛奶"，呢類雜誌。
TO 炭
其實都仲有好多的, 不過就可能只有寫下review咁啦.
話時話, 你講果兩本都選擇性去寫野.
肥樹
告東掂同牛奶去認識非主流，
咁真係....:P
唔抵得你賣關子咁話囉
haha
我完全唔明wor, 可唔可以快D開估。
To Fattree,
你是希望肯寫的兩本無選擇性去寫嗎？係唔係大小左右前後你所有碟都買都入？
乜都俾你食我都怕搞到你肚痾。
To 快樂牛郎,
我本著"the truth is out there"精神, 快架啦. 唔明? 我想做blog的連續劇.
To czarina,
係咩既碟都有, 係可以成立的, 點解一本書唔可以? 我所指選擇性去寫, 首先以經分開了識/唔識(從讀者出發), 之後是市場受唔受, 我想舉個例子, 就係david gilmour, 就係讀者識, 不過市場唔受, 故唔出.
另外你講的"乜都俾你食我都怕搞到你肚痾", 如果apply係music lover上, 又係可以成立, 不過我真係唔見市場有邊本書係乜都煮俾你食, 我想有時想食d唔係pink, 唔係james blunt咁, 我又應該點呢?
肥樹
Mr Fattree,
冇pop如Pink、James Blunt，並不代表是一個健康的樂壇；百花齊放，唔一定要剷除異己或個人討厭的東西。我們應追求是拿個平衡。
牛奶或東接，大家稱之為"潮流雜誌"，當一本全音樂雜誌都會有偏向或選擇的同時，在有限度的潮流雜誌中，你認為牛奶或東接，甚至星期五沒有嘗試讓大家接觸更多音樂嗎？如果所有讀者都識Davild Gilmour，那麼不用雜誌介紹，不如唱片公司加重廣告通知歌迷他出碟。
唱片公司（主流或獨立）都睇單位來重點宣傳之際，作為雜誌亦有其讀者市場，我看有時雜誌寫的，已比起唱片公司肯宣傳的要多。
冇James Blunt，可能支持唔到o的冇咁賺錢o既artists了。
既然唔想食人o地煮o既，自己煮囉。你唔係一定要食出面o的o野o既。
TO CZARINA
"我們應追求是拿個平衡。" 無錯, 我地係想追求平衝, 就係想有PINK 同JAME BLUNT之餘有CAROLINE, 有MONO, 有EXPLOSION IN THE SKY咁啦, 不過真係無見過. 但我唔係講傳媒地無, 係唔夠多同廣泛或選擇少D, 我都明你地"在有限度的潮流雜誌", 咁我真係想要求多D野啦.
DAVID GILMOUR個例子, 就係有人識, 不過我無講全世界人都識, 在我係唱片公司工作時, 我真係想全世界的樂迷識. 咁雜誌因有限資源下唔寫, 我反而係為唔識的讀者可惜. 唱片公司係有投放資源去PROMOTE DAVID GILMOUR, 但只在電視層面推出的.
至於雜誌可寫的比唱片公司宣傳的多, 呢件係好事, 不過我又係想回應番上個POINT, 我係想再要求多D, 因我見唔夠DEEP同多.
無JAMES BLUNT, 點去支持其他唔賺錢的ARTIST, 同意, 之不過唔賺錢的ARTIST都想有傳媒支持的.
我都學緊煮野食啦, 我有好拍擋同我一齊煮, 唔知你嘗唔嘗面食呢?
肥樹
多口搭訕：
有要求係好事，總比放棄理想來得積極，兩位都是圈內人，做個有影響力的有心人，大家都有裨益，令"唔太賺錢"(其實唔太喜歡咁樣黎形容)的有其生存空間，at the end都要普羅大眾提起自已興趣去discover，才能真正成气候。
The Panic下次入下Metal碟啦咁，我都冇見過。咁我真係想要求多o的野啦。
游淺水都未識，就叫人去深水人地啋我有味；不如先學下踩單車，而踩單車最緊要學o既係「平衡」，人一個學得幾多o野，凡事有先後輕重，個人選擇未必o岩，但盡o左力，只不過未必係某o的人杯茶又或者你要想o既o野。
去西餐廳時你都唔好問佢做乜唔廣泛到有印度薄餅，每間餐廳都有自己o既格局同標準去維持一o的o岩o黎得餐廳食客口味o既菜色，何況一間本身唔係專賣o野食o既舖頭。店員盡力sell，但係冇可能滿足每一位顧客o既需要。
其實而家睇翻,
香港寫音樂雜誌唔係冇人睇,
而係廣告唔夠多, 係咪?
呢樣野真係外國就有著數好多,
可以養幾十本indie雜誌。
TO CZARINA,
THE PANIC係有賣過METAL野的, 不過無人買, 我地放棄了.
個POINT係我係市場一份子, 我可以DEMAND, 你唔駛一定SUPPLY, 唔係你要一定去做, 去跟 ,你可以睬我都傻, 我亦可以繼續爭取.
你去西餐廳叫印度PIZZA係唔可能, 不過我想去PIZZA HUT都可以有唔同"種類"提供, 我係PARTICULAR去講音樂版係可以廣泛D講D唔同口味既野, 唔係一味來去來去來去來去都係果D. 這樣正正就是唔夠"種類", 我想有d"平衝"情況出現. 店員盡力sell, 未必滿足晒所有顧客既需要, 不過如果我係顧客之一, 我想呢間餐廳我會再來, 因佢有我所需.
不過又係個句, 你當我自己的wish係咁, 真係可以無人理我都得.
我想我地站係唔同方向去看一些少眾音樂口味的事, 我就想多d人去認識, 你就係顧及市場有無呢個market而去做, 我想呢個就係我地既分岐. 如果我係你既方向, 我會試了先, 真係結果唔得至改, 起碼我試過了, 如果我連試都唔試, 我想我依家呢一行, 一世都唔會得. cap10說的, 就是如此.
to 快樂牛郎, 是, 係香港唱片公司上, 係唔會再為外國唱片賣雜誌廣告, 因為每間公司都集中在電視層面上是了. 外國的月光圚, 這是好好的事.
肥樹
聽甚麼音樂並不重緊，重要是你真正喜歡甚麼。網上已有千億種尋找新/舊音樂的渠道，假如仍被雜誌、廣告、店舖左右，又或者被主流、非主流、indie等字眼牽著走，是最悲哀的事。
To 快樂牛郎,
我相信係原因之一，如果多呢類廣告，相對版位都會多o的，但係有幾多唱片公司肯俾錢落雜誌廣告？
如果有咁o既市場，我亦相信會多o的人肯出整本都係音樂o既mass雜誌。
To Fattree,
冇人買就放棄，咁同樣地雜誌寫o的o野冇人去聽要唔要放棄唔寫呢？究竟講緊錢定講緊推動音樂？難道只有雜誌要有多種類？賣唱片就無此責任？我都可以在我消費者角度提出呢樣o野。
冇印度薄餅唔代表來來去去都係o個o的，我亦唔覺有，你咁講會唔會係你將小圈子以外o既大世界歸納為「來去來去來去來去」？因為你根本冇留意過，甚至未必會俾錢去買本書，留心一下真係有幾「來去來去來去來去都係o個o的」。for example近期Be your own pet同Yeah Yeah Yeahs係唔係真係好大眾？我見你數o既奶同東接觸都有寫，咁你仲想點？再講多次就係游水都未游好就拖人出浮台幫唔到佢學好仲搞到佢以後唔敢游都唔定，凡事一步一步來，尤其在有限空間下。
或者行大路o既書唔應該涉及任何少眾少少o既o野，免惹來以為走Mass o既雜誌理應有萬家菜提供的尷尬。
或許DVD欄目未有介紹最新日本Underground 4仔已顯得不夠豁達了，這方面的demand可能遠較David Gilmore一類為高。
以我所見，響北美呢邊Be your own pet同Yeah Yeah Yeahs的確係好大眾，週街都聽得到。當然我都同意要一步一步來，如果連YYY都接受唔到或者唔肯去了解，咁其他更冇人識的音樂就唔使旨意有機會出頭。
其實聽小眾音樂係要付出好多時間同精力，唔可能要求每個人都同我地一樣咁熱心同有耐性，整體文化認知提高到合理水平就已經夠了。
to czarina,
你係可以要求唱片店這樣做, 正如我想雜誌有多d野睇一樣. 有be your own pets及yeah yeah yeah既介紹係好, 我都係想有多d呢d野介紹既, 這是好事.
to 快樂牛郎,
對你的言, 我感受到那份感動, 那麼我們要繼續努力是了.
肥樹
to tak,
多謝你的來臨.
肥樹
路過的, 發表一o下謬論, 不同意的勿介意
自問認識音樂不多(電影要好一點), 同意tak (不知是仁兄定仁姐)所言, 好的音樂, 不應分主流/非主流。獨立本是好事, 但不要把獨立/少眾變成與世隔絕, 孤芳自賞。講到底, 音樂, o係呢個層面上, 就算係少眾o既, 都係一種商品, 都係賣緊錢, 呢樣o野唔可以抺殺。市場, 點都要睇, sigur ros 係一個好例子, 問題係點樣令到大眾化o左而唔會庸俗化o左。如果真係唔介意市場, 不如去攪fine art, 自己做完同朋友分享算了, 唔需要搵發行出碟。
所謂少眾與大眾, 其實只係聽眾群之不同, 如果少眾變成大眾, 只有兩個可能, 一係少眾通俗化, 一係大眾的觀眾群口味提昇... 成個音樂潮流行緊邊個方向, 或者要過多三幾十年先睇到...
講返雜誌方面, 其實之前提過o個幾本雜誌本身係潮流雜誌, 唔係音樂雜誌, 唔可以要求佢地去專寫一o的少眾音樂; 講到選擇o既問題, 佢地己經係o係好有限o既空間揀o的最好o既出o黎寫, 至少我係睇過其中一o的而買o左sylvain chauveau 同calla o既新碟(唔知對大家o黎講, 呢o的叫唔叫大眾) 我覺得整體o黎講, 呢o的雜誌可以keep 到些少文化o野, 雖然可能係用o的通俗o的o既手法, 但令呢o的o野可以有機會融入大眾, 係好事
通俗, 唔代表庸俗
其實無人有為獨立/主流作分界的意思，只不過是想普羅大眾可以知多一點罷了。其實對我來說，近半年對主流音樂幾乎一無所知，獨立和主流早就調換了位置。
發佈留言
<< Home